VALORACIÓN DE BIBLIOPEPIÑO

Un ano mais precisamos da vosa axuda para seguir mellorando en BiblioPepiño.

Precisamos que nos adiquedes un par de minutiños para cubrir esta enquisa,  valorar e facer as vosas aportacións sobre todo o traballo desenvolvido ao longo de este curso 2023-2024.

MEDRANDO COA MÚSICA

 A semana pasada disfrutamos dun obradoiro de música en familia do mais divertido.

Laura e Antonio, da academia Lili, compartiron con nos a mañá do sábado para achegarnos á música dende diferentes vertentes: o ritmo, a audición, e a interpretación.

Disfrutamos moitísimo

GRACIÑAS A TODXS POR FACER DA MAÑÁ DO SÁBADO UNHA MAÑÁ ESPECIAL!

SAÍDA DAS MOCHILAS VIAXEIRAS

O día de apertura da BiblioPepiño realizamos a entrega das mochilas a todas as aulas do noso centro.

Estade moi atentos porque este ano haberá novedades nas mochilas e sorpresas moi especiais!

DESCONECTA E COMPARTE: Ioga en familia para a conexión auténtica.

 Rematamos o curso cun obradoiro de conexión en familia.

O obradoiro será impartido por Samanta de Samyama na súa web podedes ver a súa ampla formación e experiencia.

Se estades interesados en participar anotádevos en este formulario:

ENQUISA PARA FAMILIAS

 Estimadas familias.

Como sabedes este venres BiblioPepiño pecha as súas portas, para prepararse para o préstamo de verán, recargar enerxías e poder iniciar un novo curso cheíño de novas aventuras. 

Pero antes de marchar queremos pedirvos un ratiño do voso tempo para facer unha breve valoración sobre as diferentes actividades desenvolvidas durante este ano e así poder mellorar en próximos cursos.

GRAZAS POR ESTAR SEMPRE AHÍ SEN VOS TODO ISTO NON SERÍA POSIBLE!

AS FAMILIAS CONTAN

 Os meses de abril, maio e xuño, estiveron de momentos en familia, nos que moitos vos quixéchedes compartir con nos as vosas historias.

Sen a vosa colaboración todas estas propostas non sería posibles.

GRACIÑAS

CINE EN BIBLIOPEPIÑO

Ola rapazada!

Este trimestre tamén queremos celebrar a nosa semana de cine. 

Comezaremos mañá e estas serán as películas que proxectaremos.

Como vedes están divididas en franxas de idade.

Todas as películas serán proxectadas na nosa biblioteca ás 15:30, cunha duración aproximada de hora e media.

O mércores día 15 comezaremos cos pequechiñxs da escola. 

Poderedes ver a película de MASCOTAS 2. 

Para facelo teredes que traer a vosa entrada e vir acompañadxs dun adulto.

O xoves será a quenda do alumnado de primeiro, segundo e terceiro de primaria. Igual que os peques, teredes que estar na biblioteca coa vosa entrada ás 15:30.

E remataremos a semana do cine cos maiores da escola.

O alumnado de cuarto, quinto e sexto, poderedes disfrutar dunha marabillosa película de animación: SOUL.

Lembrade traer a vosa entrada.

A entrada levarase a cabo por orde de chegada e ata completar aforo.

Vémonos en BiblioPepiño!

LECTURA E FAMILIAS

Este mes de febreiro acaba de publicarse a listaxe definitiva dos centros que pasamos a formar parte do programa de Lectura e familias.

Grazas a este programa poderemos gozar de múltiples actividades, en horario extraescolar, na que o papel das familias será fundamental para favorecer a súa implicación no guste e disfrute da lectura.

Estades preparadxs?

Pepiño xa ten a toda a súa familia preparada, para comezar a disfrutar de múltiples lecturas.

Graciñas Fernando Coello, por facer que vaia medrando a familia Pepiño.

XOGAMOS EN FAMILIA

 

Ainda con resaca emocional imos facer un pequeno resumo da tarde de onte. 

Abrimos as portas da nosa biblioteca para que puiderades disfrutar dun sábado de xogos en familia, e cremos que foi todo un éxito.

Un ambiente relaxado, distendido, de convivencia e intercambio de tempo de lecer.

Foi unha marabilla poder vervos xogando entre vos, despois de tres cursos de restriccións precisabamos volver á normalidade e poder ter a nosa biblioteca chea de vida.

REPETIRÉMOLO PRONTO!

CLUB DE LECTURA - familias

O Club de lectura de familias comeza a súa andadura. 

Precisamos saber as vosas preferencias de horarios e dispoñibilidade, polo que vos pedimos, que si estades interesadxs cubrades o seguinte formulario.

GRAZAS POLO VOSO INTERESE!

Pronto teredes noticias!

MOCHILAS VIAXEIRAS

 Ola rapazada.

Un dos momentos mais esperados na Biblio xa está aquí. As notas mochilas viaxeiras xa están listas para partir as cosas casas. 

Este ano teñen algunha novidade, que vos parecen uns divertidos retos propostos polo profe Noel de educación física? Seredes capaces de bailar o disco chino? E de atravesar unha habitación sen pisar o chan?

Estaremos atentxs!

Podedes identificar nas mochilas o pequeno guiño que fixemos ao noso proxecto de centro? 

Seguro que si, cada mochila leva unha etiqueta cun lugar recoñecido da nosa vila, que ademais deberedes reinterpretar no caderno viaxeiro, coa finalidade de facer unha exposición gráfica de todos estes espacios do noso Concello.

GRAZAS A TODXS e moi especialmente a TODXS AS FAMILIAS!

CONTAMOS CON VOS

 Este curso, dado que a situación sanitaria mellorou, queremos contar con toda a comunidade educativa para poder desenvolver diversas actividades na nosa biblioteca. Antes de continuar coa nosa planificación gustaríanos saber en que medida podemos contar con vos. 

Para iso creamos un pequeno formulario, e así poder conocer as vosas impresións.

O formulario estará activo ata o próximo día 3 de outubro. 

Moitísimas grasas polo voso tempo.

AS FAMILIAS CONTAN

 A situación socio sanitaria vai mellorando pouco a pouco e queremos contar con vos, ou mellor dito, que sexades vos os que nos contedes.

Contacta co teu titor/a para concretar un día e invitar á tua familia a contarnos un conto, unha historia, adiviñas, chistes... estaremos encantados de escoitarvos. Despois de dous anos moi duros, esperamos que esta iniciativa teña unha boa acollida.

CONTAMOS CON VÓS

MOCHILAS VIAXEIRAS

MOCHILAS VIAXEIRAS!

        Este venres fixemos a entrega das nosas mochilas viaxeiras! Un momento que compartimos cos nosos compañeiros e mestres! 

      Foi moi emocionante ver qué tiñan dentro as mochilas... Libros, receitarios, pelis... Un montón de cousas que disfrutar en familia!

       

       

Contos coas familias

Remata a nosa semana cargada de experiencias, entre elas, a cantidade de familiares que se achegaron a compartir un anaquiño connosco contándonos un conto.

 

A abuela de Lía e Leví veu a fascinarnos coa súa intérprete contándonos un conto dun xeito novidoso para nós!

Jorge, o pai de Érik e Vera achegouse cos nenos de 5ºEP do CEIP Solanas facernos unha representación xenial!

Jose o pai de Julia veu a falarnos da Princesa Sabela, un conto moi divertido, co que aprendemos o importante que é ser auténticos.

Guillermo, o pai de Carolina, recuperouse e achegouse a compartir un anaco literario cos nenos e nenas de 4 anos.

E para rematar esta semana tan intensa, hoxe Nuria, a nai de Mía estivo acompañandonos na nosa hora de ler.

Moitas gracias por esta semana, sen a vosa participación esto non sería posible!

Historias en familia

Seguimos con fantásticas visitas das familias do noso alumnado, que se achega a compartir algo de literatura connosco nesta semana do libro.

Hoxe tivemos visitas na aula de 4ºEI con Cristina, a mamá de Tiago, e Amelia a mamá de David. 

En 6º EI acompañounos Eva a nai de Pablo, e Marta, a de Pedro.

E por último en 3º EP estivemos con Nuria a nai de Xacobe.

Moitas grazas pola vosa colaboración, estamos encantados da gran resposta e do gran interese que mostrades nesta actividade!

Día do Libro

Hoxe, 23 de abril celebramos o día Internacional do libro

Pon un libro na túa vida

Se queres aprender

un libro tes que ler.

Se queres ter sabiduría

le un pouco cada día.

Busca o libro que che interese;

atoparás  algún sempre:

de aventuras, de ficción,

de medo ou de amor...

Os que menos me gusta ler

son os de inglés e francés,

porque son máis difíciles de entender.

Que non falten na túa estantería;

É un agasallo perfecto;nos aniversarios é un acerto.

Dende BiblioPepiño temos varias actividades preparadas para realizar durante esta semana.

1. Durante toda a 
semana levaranse a cabo, en diferentes aulas do cole, Lecturas en Familia, nas que colaborarán membros das familias dos alumnos/as do noso centro.

Aquí vos deixamos o calendario coa distribución de horarios e lugares de celebración.

2.O martes varios grupos de alumnos/as cos seus titores, realizarán lecturas e interpretacións e diferentes puntos da nosa vila. 
Aquí tedes a invitación! Non perdades esta oportunidade!

3. O mércores, padriños e afillados sairán ao patio e en diferentes recunchos disfrutarán unha hora de lectura en común.

Como vedes, esta semana está programada cunha serie de actividades encamiñadas a gozar da lectura xuntos!!!!

FELICES VACACIÓNS!!

A Biblioteca quere desexar a toda a comunidade educativa un feliz e proveitoso descanso que nos sirva para recargar enerxías de cara ó vindeiro curso.

Sen esquecer o aviso que nos fai Mortadelo e que facemos noso:

BO NADAL!!!

O Equipo da Biblioteca quere desexar a toda a comunidade educativa unhas felices festas e que o vindeiro ano que xa está petando na porta, chegue cargadiño de boas cousas para tod@s.

Deixamos as imaxes do nadal feitas entre todas as familias: os bos desexos, os orixinais adornos da árbore e as estrelas,botas e bolas que enchen os teitos do cole....Coma sempre, moitas grazas ás nosas familias que sempre están dispostas a colaborar!!!

FELICES FESTAS!!! 

COLABORAN AS FAMILIAS

Comenzando o mes de outubro, e, para celebrar que adicamos este mes ás Bibliotecas Escolares, invitamos ás nosas familias a encher as corcheiras da entrada de CITAS LECTORAS, famosas ou ideadas por eles, reflexionando en familia o que significa a lectura e os libros.

A experiencia doutros cursos dicíanos que a colaboración ía ser moita e moi variada e así está sendo. Mediado outubro imos mostrando o que está chegando, traballos estupendos!  cheos de imaxinación e creatividade que esperamos que motiven ós que faltan por chegar. 

Coma sempre...moi agradecidos por estas colaboracións, sabemos que contamos cunhas familias estupendas!