UN COLE DE CONTO

Dende BiblioPepiño queremos dar lugar á presentación do producto final do noso proxecto anual de centro: Un cole de conto, a través da seguinte presentación interactiva podedes desfrutar de lugares máxicos e descubrir o rico e valorosos que poden ser os contos, as fábulas, os comics...

Agardamos que disfrutedes do noso traballo.

Dende o equipo de BiblioPepiño queremos agradecer a todo o alumnado e á integridade do claustro a súa implicación na realización deste proxecto. Sen vos non sería posible.

PEPILECTURAS: PECHADO POR VACACIÓNS

 O día 17 de xuño as alumnas e alumnos do Club de lectura de 3º, 4º e 5º de Primaria fixemos a nosa última reunión. Pero esta vez non había ningún libro de por medio, só comida e boa compañía.

Ao chegar á biblio tiñamos a comida esperando por nós, ademáis dun detalliño que nos prepararon as profes do club de lectura con moito agarimo.

Pasámolo xenial! 

Ogallá volver o próximo curso!!

PEPILECTURAS TERCEIRO PRIMARIA

 As alumnas e alumnos do Club de lectura de 3º tiñan moitísimas ganas da terceira xuntanza do seu club.

A lectura elexida foi "ANIMALIA. VERDE" de Xosé Tomás.

Ao chegar á biblio tiñamos un invitado moi especial. O autor do libro veunos facer unha visita! Si, si, como o oes! O mismísimo Xosé Tomás en carne e óso!! Puxémonos cómodxs para falar sobre este libro tan divertido e, ademais, debuxamos un montón: nomeamos algunhas profesións, pensamos en que animal sería o máis adecuado para traballar diso e, como non, debuxámolos.

Quedamos abraiados co ben que debuxa Xosé Tomás. 

Vaia crack!! 

E regalounos a cada un de nós un debuxo personalizado e adicado!

OBRADOIRO ILUSTRACIÓN

 A semana pasada disfrutamos dun obradoiro de ilustración da man de Xosé Tomás, escritor e ilustrador de numerosos libros que seguramente, pasaron polas vosas mans.

Coñecimos diferentes tipos de libros, así como o nome de todas as súas partes.

E descubrimos como nace unha idea sobre un libro que pasos dan os autores ata que o libro chega ás nosas mans.

Creamos historias fabulosas, sendo nos os autores.

Unha dela foi dun lobo, tímido, namorado dunha ovella, que viaxaba en autobús de tres pisos.

Aquí deixamos unha mostra xeral do ben que o pasamos aprendendo a crear e ilustrar en familia.

GRACIÑAS TOMÁS POR COMPARTIR O TEU COÑECEMENTO COA FAMILIA DE BIBLIOPEPIÑO!

VALORACIÓN DE BIBLIOPEPIÑO

Un ano mais precisamos da vosa axuda para seguir mellorando en BiblioPepiño.

Precisamos que nos adiquedes un par de minutiños para cubrir esta enquisa,  valorar e facer as vosas aportacións sobre todo o traballo desenvolvido ao longo de este curso 2023-2024.

Pepilecturas: O detective de Nullarbor

As alumnas e alumnos do Club de lectura de 4º tiñan moitísimas ganas da terceira xuntanza do seu club.

A lectura elexida nesta ocasión foi "O DETECTIVE DE NULLARBOR " de Antonio Yáñez.

Ao chegar puxémonos cómodxs na biblioteca para poder falar sobre esta historia tan intrigante e facer algúns xogos relacionados con ela.

Desta vez o que máis divertido nos pareceu foi elaborar un guión para gravar un programa de Podcast sobre o libro.

Queredes escoitar o resultado? 

Ahí vai dende a nosa canle de Ivoox.

AS FAMILIAS CONTAN

 O mes de abril e de maio estivo repleto de lecturas compartidas, foi realmente un "Cole de conto" no que as familias foron partícipes do achegamento de contos e aventuras a todos os nosos pequenos.

GRACIÑAS a todas e cada unha de vos!

PECHE DE BIBLIOPEPIÑO

Bo día familias.

BiblioPepiño pecha as súas portas, estamos preparándonos para os préstamos de verán. 

Durante a primeira semana de xuño, a biblioteca estará aberta en horario de recreo para facer as devolucións  e que todos os fondos volten aos seus andeis.

GRACIÑAS POLA VOSA COLABORACIÓN!

MAIO MES DAS MATEMÁTICAS EN BIBLIOPEPIÑO

 Un ano mais volvemos a traballar coas matemáticas de xeito manipulativo en BiblioPepiño, resaltando deste xeito a importancia da experimentación para a interiorización e comprensión de novos conceptos.

Durante todo o mes e maio tivemos obradoiros de xogos de mesa matemáticos, na que o alumnado axudante de biblioteca, explicou a dinámica de cada xogo aos seus compañeiros/as.

Ademais o alumnado de primeiro e terceiro de primaria pudo disfrutar dunha xornada de matemáticas impartida por Paula Orta, profesora do IES A Sangriña, que achegou con todo o seu cariño as matemáticas aos pequenos de primaria.

Coma sempre un privilexio contar contigo. 

MIL GRAZAS PAULA!

APRENDEMOS XOGANDO!

OBRADOIRO DE ILUSTRACIÓN CON XOSÉ TOMÁS

 O vindeiro luns 27 de maio celebrarase, en BiblioPepiño, un obradoiro de introdución á ilustración, está dirixido ao alumnado de educación primaria e ás súas familias. Todo alumno/a debe vir acompañado dun adulto.

Será impartido por Xosé Tomás, autor e ilustrador de numerosos libros, ademais de profesor de inglés no CPI Manuel Suárez Marquier.

O obradoiro terá unha duración aproximada de dúas horas.

Podedes anotarvos no seguinte enlace:

AGARDÁMOSVOS!

PEPILECTURAS Adultos

 A sesión de este mes do club de lectura de familias foi do mais especial.

Cada un dos membros do club elixiu un poema, cun significado especial, e o resultado foi a seguinte recopilación.

Pero isto só comezaba aquí. 

Ao chegar á xuntanza toda a selección de poemas estaba pendurada do teito da biblioteca, cada unha tivo que recoller unha mostra de todos os poemas para posteriormente decididir de quen era cada elección e poder escoitar da voz de cada un os seus versos.

Sen dúbida unha sesión inesquecible e moi emotiva.

Graciñas a todos por participar!

UNHA IMAXE DE CONTO

 Aquí están recollidas todas as imaxes que participaron no concurso de "Unha imaxe de conto"

As fotos seleccionadas, por ciclos, foron as seguintes:

E a aquí están os gañadores recollendo o seu agasallo.

PARABÉNS RAPAZADA!

GRACIÑAS POLA VOSA PARTICIPACIÓN!

MAIO MES DAS MATEMÁTICAS

 Un ano máis no mes de maio conmemoramos o mes das matemáticas.

Por que o facemos? Porque o 12 de maio se conmemora o Día escolar das matemáticas coincidindo co nacemento de Pedro Puig Adam (1900) insigne matemático precursor da didáctica das matemáticas en España durante a década dos 50.

Este ano levaremos a cabo obradoiros de xogos de mesa matemáticos na biblioteca, aquí tedes o horario que corresponde da cada grupo.

Na seguinte presentación queda elaborada unha pequena recopilación de xogos adaptados a diferentes idades.

AGARDAMOS QUE OS DISFRUTEDES!

KOHA

Actualmente a biblioteca está realizando un cambio moi importante. Toda a nosa base de datos está mudando de sistema e estamos catalogando, de novo, todos os rexistros ao sistema Koha.

Por este motivo, diversos libros non poderán ser levados en préstamo, pero si poderán ser consultados na biblioteca, xa que suporía un gran problema loxístico mesturar libros de ambos sistemas. Estes libros podedes recoñecelos porque o seu número de rexistro aparece en verde e ademáis porque na súa contraportada teñen pegado un código de barras. 

O pasado martes 23 de abril todos os mestres/as e alumnos/as do noso centro recibiron un carné de BiblioPepiño que será o voso identificador neste novo sistema.

Agradecemos a vosa comprensión.

Un saúdo

APADRIÑAMENTOS LECTORES

 O pasado martes, conmemoramos o día do libro e aproveitando o tempo solleiro saímos a ler ós nosos afillados/as un conto ao aire libre.

Deste xeito conseguiremos que os pequenos/as do cole aprecien e valoren a lectura tanto como o fan os nosos maiores.

Mirade que atentos e entretidos estiveron:

TROCA AVENTURAS

 Un ano mais a nosa feira do libro foi todo un éxito.

Aquí tedes a mostra de como transcurriu a tarde:

Grazas a todas as familias que facedes posible que estas actividades se leven a cabo. Sen a vosa participación e colaboración non sería posible.

Club de lectura: Papá Canibal

 As alumnas e alumnos do club de lectura de 4º EP experaban con moitas ansias a segunda xornada do Club.

A lectura elexida esta vez foi Papá Canibal de Antonio M. Fraga.

Ao chegar puxémonos cómodos/as na biblioteca para poder falar sobre esta incrible historia e facer algúns xogos relacionados con ela.

Ah! e tamén resolvemos un kahoot sobre a lectura.

Qué divertido foi!!!

Pero o mais emocionante foi que gravamos un programa de podcast sobre o libro e elaboramos nos mesmos/as o guión.

SOMOS TODAS UNHAS PROFESIONAIS!

AS FAMILIAS CONTAN

Seguimos presentado actividades para o día do libro, esta vez tócalle o turno ás familias. Como xa é tradición queremos contar con vos para que veñades ao cole a contar contos nas aulas dos vosos fillos/as.

Para facelo contactade co voso titor/a para distribuir o horario en función das vosas necesidades.

ESTAREMOS ENCANTADOS/AS DE RECIBIRVOS!

TROCAAVENTURAS (Terceira edición)

 Como xa é tradición en BiblioPepiño o día do libro ven asociado á Feira do libro TROCA AVENTURAS.

Tedes toda a información nas seguintes imaxes.

É moi importante que os libros sexan actuais e que estean en bo estado.

UNHA IMAXE DE CONTO

 O día do libro está ás portas e queremos convertir o noso cole nun cole cheo de contos.

Temos unha proposta dende biblioteca creativa.

Para concursar tedes que enviar a foto da vosa recreación de conto que elixades ao email de bibliopepiño xunto co curso e nome do alumno/a.

O día 23 estará lista a exposición e a resolución dos gañadores/as.

Haberá un premio por ciclo!

Animádevos a participar!

DÍA DO LIBRO

 O día do libro está á volta da esquina e en BiblioPepiño temos un montón de actividades para conmemoralo:

E algunha sorpresa mais, estade atentos/as!!!

MEDRANDO COA MÚSICA

 A semana pasada disfrutamos dun obradoiro de música en familia do mais divertido.

Laura e Antonio, da academia Lili, compartiron con nos a mañá do sábado para achegarnos á música dende diferentes vertentes: o ritmo, a audición, e a interpretación.

Disfrutamos moitísimo

GRACIÑAS A TODXS POR FACER DA MAÑÁ DO SÁBADO UNHA MAÑÁ ESPECIAL!

HORARIOS MEDRANDO COA MÚSICA

O alumnado anotado no obradoiro de "Medrando coa música" estará dividido en dous grupos: por unha banda cuarto e quinto de infantil, e pola outra sexto de infantil e primeiro de educación primaria.

Os horarios serán os seguintes:

Lembrade que cada neno/a debe estar acompañado/a dun adulto.

MEDRANDO COA MÚSICA

O próximo sábado, 6 de abril, en horario de mañá,  terá lugar en BiblioPepiño o obradoiro "Medrando coa música".

Este obradoiro está dirixido ás familias e alumnado de educación infantil e primeiro de educación primaria, tendo que estar acompañados dun adulto durante todo o obradoiro (neno/a - adulto). 

O horario, aínda por definir, establecerase en función dos diferentes grupos creados, e será comunicado unha vez se pechen as inscripcións.

Neste obradoiro haberá un achegamento a diversos aspectos fundamentais da música: audición, ritmo, improvisación, creatividade, movemento...  e tamén algún contiño. Todo da man da academia Lili, con Laura e Antonio.

Para poder participar debedes facer a inscrición no seguinte enlace.

A inscrición será pechada o martes día 2 de abril.

ANIMÁDEVOS A PARTICIPAR!

PEPILECTURAS ALUMNADO (ABRIL)

 Xa temos todo disposto para as lecturas do mes de abril.

Xa tedes os vosos libros listos?

Lembramos cales son as lecturas para cada nivel.

Vémonos a semana do libro!

CINE EN BIBLIOPEPIÑO

 Estades preparados/as para unha nova sesión de cine?

Xa temos todo preparado! Aquí está a cartelera de esta semana:

Para os pequeniños de Educación Infantil:

Lembrade que os alumnos/as de educación infantil deben estar acompañados dun adulto.

Para o alumnado de primeiro a terceiro de educación primaria:

E para os maiores do cole, de cuarto, quinto e sexto de educación primaria:

Lembrade que podedes traer a vosa botella de auga, darémosvos un pequeno aperitivo!

AGARDÁMOSVOS!