No marco do noso programa Lectura e Familias e do proxecto de centro Pinceladas na Sangriña, vivimos unha tarde moi especial, BiblioPepiño convertertiuse nun auténtico espazo de creación, encontro e inspiración artística.
Deixámosvos algunhas imaxes desta tarde tan especial... porque crear en familia sempre deixa pegada!
Dende BiblioPepiño, dentro do programa Lectura e Familias, abrimos as inscricións para un obradoiro dirixido ás familias e ao alumnado de 5º e 6º de Educación Primaria, unha proposta moi especial na que arte, creatividade e aprendizaxe irán da man.
%20(horizontal)).png)
Nesta ocasión teremos a sorte de contar coa participación de Gemma Marqués, artista plástica, docente e xestora cultural vinculada ao mundo da arte e da educación.
Licenciada en Belas Artes, desenvolve o seu traballo artístico en La Casa Taller, un espazo creativo situado na Guarda, onde combina a creación artística coa formación de persoas de todas as idades. A súa obra abrangue diferentes disciplinas como a pintura, o retrato, os murais e a acuarela, sempre cunha mirada moi sensible cara á expresión artística e á creatividade.
Ademais da súa traxectoria como artista, Gemma destaca polo seu labor divulgador e educativo, organizando cursos, obradoiros e experiencias creativas que achegan a arte dunha maneira vivencial e inspiradora ao público infantil e adulto.
Será unha magnífica oportunidade para crear, experimentar e gozar da arte da man dunha profesional, nun ambiente creativo e participativo.
As prazas son limitadas, polo que animamos ás familias interesadas a formalizar a inscrición canto antes, no seguinte enlace:
%20(horizontal))%20(1).png)
En BiblioPepiño seguimos apostando por acompañar ás familias no apaixonante reto de educar. Por iso, o noso Recuncho de Familias énchese de novas lecturas pensadas para ofrecer orientación, reflexións e recursos prácticos sobre temas que nos preocupan e ocupan no día a día.
Sabemos que educar non vén con manual de instrucións, pero ás veces unha boa lectura pode abrir novas perspectivas, resolver dúbidas ou simplemente facernos sentir acompañados no camiño. Por iso, animámosvos a botarlle un ollo ás novidades e escoller aquel libro que máis se adapte ás vosas inquietudes ou intereses.
Lembrade que todos estes libros están dispoñibles en préstamo para as familias do centro. Só tedes que achegarvos á biblioteca e levar para casa aquela lectura que vos apeteza descubrir.
Porque educar tamén é aprender… e en BiblioPepiño seguimos medrando xuntos, familia e escola da man.
En BiblioPepiño sabemos que o amor pola lectura medra moito máis cando se comparte. Por iso, con motivo da celebración do Día do Libro, puxemos en marcha unha actividade moi especial dentro do programa Lectura e Familias: un fermoso encontro entre fogar e escola a través dos contos.
Cada fotografía é unha pequena mostra do importante papel que teñen as familias no desenvolvemento do gusto pola lectura e no acompañamento lector dos nenos e nenas. Porque ler xuntos é compartir tempo, emocións, aprendizaxes… e tamén moito cariño.
Dende BiblioPepiño queremos agradecer de corazón a implicación de todas as familias participantes. Sen vós, actividades coma esta non terían o mesmo significado.
Convidámosvos agora a desfrutar do vídeo recopilatorio, unha pequena homenaxe ao poder das historias compartidas e ao compromiso das nosas familias coa lectura.
Porque en BiblioPepiño… ler en familia sempre suma!Para conmemorar o Día do libro, que será o próximo 23 de abril, queremos convidarvos a participar nunha actividade moi especial para nos: “As familias contan”.
.png)
Esta actividade é importante para nos xa que:
Para participar:
As familias interesadas poderedes vir nun horario acordado co titor/a para ler un conto, unha historia ou calquera texto que vos guste.
Non fai falta ser expertos: abonda con traer ilusión e ganas de compartir.
Desde BiblioPepiño animámosvos a formar parte desta experiencia tan enriquecedora. As vosas historias tamén constrúen lectores e lectoras.
Agardámosvos con moita ilusión!
Un ano máis a Xornada de Xogos en Familia, foi todo un éxito!
Este sábado, achégate á Bibliopepiño e pasa unha tarde diferente gozando de xogos para todas as idades.
.png)
Un plan perfecto para compartir tempo de calidade, coñecer novos xogos e vivir a biblioteca dun xeito distinto.
Teremos xogos de mesa, risas, cooperación e moitos bos momentos
AGARDÁMOSVOS!
Estimados/as espectadores/as:
Temos o placer de informarvos de que xa está publicada a cartelera para as proxeccións de inverno 2025.
A próxima semana poderemos desfrutar de cine en familia, para os mais pequenos e de dous pases de película para o alumnado de primaria.
Agardámosvos!
Esta tarde compartimos unha sesión de formación con diversas familias da nosa comunidade educativa.
Que é koha, onde escoitar os programas de Radio na biblio, como facer suxestións...
Un ano mais as familias entraron nas nosas aulas para compartir lecturas co alumnado do cole, dentro do noso programa: AS FAMILIAS CONTAN
É unha ledicia ver como a nosa rapazada se emociona cando o seu pai, a súa nai, avoa, curmá... ven ao cole a compartir con nos unha historia dos andeis das súas casa.
Si, si, moi saborosas!
Aquí están algunhas imaxes da súa elaboración
Bo día familias, debido ao gran número de inscricións no obradoiro de cociña para familias, fixemos dous grupos para poder atender ao maior número de asistentes.
.png)
Estas quendas foron comunicadas e confirmadas vía telefónica, no caso de ter algún imprevisto que vos impida acudir, agradeceríamos que nolo comunicarades con antelación para poder avisar ao alumnado que quedou en reserva da actividade.
GRACIÑAS POLA VOSA COMPRENSIÓN
IMPORTANTE
Dado o elevado número de solicitudes para o obradoiro de cociña imos realizar dous grupos. Aínda así hai xente que quedará en reserva.
Proximamente contactaremos con vos para comunicarvos horarios.
GRACIÑAS POLA VOSA PARTICIPACIÓN
Achégase a temporada mais divertida e colorida do ano:
O ENTROIDO!!!
En BiblioPepiño queremos propoñer un:
).png)
Sen esquecer as receitas tradicionais e coa intención de engadir cor e sabor, animadesvos a participar nunha actividade de cociña divertida e saudable?
O obradoiro será o próximo VENRES 21 DE FEBREIRO, ás 16:00, cunha duración aproximada de hora e media.
Ao tratarse dun obradoiro de familias, o alumnado debe estar acompañado por un adulto.
O obradoiro estará impartido por VIA NAI.
Quenes son Via Nai?
Via Nai está composto por Silvia Massetti, Técnico Superior en Dietética e Nutrición, con experiencia de mais de 20 anos impartindo obradoiros a peques e persoas adultas, crea en 2021 un novo proxecto chamado Via Nai, xunto coa súa filla Mercedes Murga, titulada en Administración de Empresas, coa intención de promover os obradoiros de cociña saudable a través dunha didáctica divertida e de desfrute por todo o que a gastronomía pode ofrecer nas diferentes etapas da vida.
Para poder participar no obradoiro debedes cubrir o seguinte formulario.
O pasado sábado gozamos dunha tarde moi entretida entre familias e xogos.
Moitos de vos elixíchedes BiblioPepiño para pasar a tarde con nós.
Graciñas por participar en todas as nosas propostas!
Con motivo da apertura de BiblioPepiño esta tarde celebramos unha sesión de formación para a nosa comunidade educativa.
A semana pasada disfrutamos dun obradoiro de ilustración da man de Xosé Tomás, escritor e ilustrador de numerosos libros que seguramente, pasaron polas vosas mans.
Coñecimos diferentes tipos de libros, así como o nome de todas as súas partes.
E descubrimos como nace unha idea sobre un libro que pasos dan os autores ata que o libro chega ás nosas mans.
Creamos historias fabulosas, sendo nos os autores.
Unha dela foi dun lobo, tímido, namorado dunha ovella, que viaxaba en autobús de tres pisos.
Aquí deixamos unha mostra xeral do ben que o pasamos aprendendo a crear e ilustrar en familia.
O vindeiro luns 27 de maio celebrarase, en BiblioPepiño, un obradoiro de introdución á ilustración, está dirixido ao alumnado de educación primaria e ás súas familias. Todo alumno/a debe vir acompañado dun adulto.
Será impartido por Xosé Tomás, autor e ilustrador de numerosos libros, ademais de profesor de inglés no CPI Manuel Suárez Marquier.
O obradoiro terá unha duración aproximada de dúas horas.
Podedes anotarvos no seguinte enlace:
Seguimos presentado actividades para o día do libro, esta vez tócalle o turno ás familias. Como xa é tradición queremos contar con vos para que veñades ao cole a contar contos nas aulas dos vosos fillos/as.
ESTAREMOS ENCANTADOS/AS DE RECIBIRVOS!
O día do libro está á volta da esquina e en BiblioPepiño temos un montón de actividades para conmemoralo:
E algunha sorpresa mais, estade atentos/as!!!