retARTE reto 8

Ola, xente creativa!

Dende BiblioPepiño queremos seguir enchendo este espazo de imaxinación, enxeño e ganas de participar. 

A semana pasada propoñíamosvos un pequeno desafío que puxo a proba a vosa capacidade de observación e interpretación. Moitos de vós achegástesvos á solución, pero aquí vai a resposta completa:

Parabéns a todas as persoas que participastes!

Xa imos polo Reto 8 de RetArte, e non podemos estar máis contentos coa acollida que está tendo esta iniciativa. Así que… se aínda non te animaches, este é o momento perfecto!

O Reto 8 xa está en marcha e agarda por ti. 

 Podes facelo só/a, en grupo, con familia ou amizades… o importante é gozar do proceso!

Anímate a participar no novo reto!

 

DÍA DO LIBRO

 Mañá celebramos o Día do Libro en Bibliopepiño dunha maneira moi especial!

Temos preparada unha actividade chea de misterio e diversión: libros sorpresa en préstamo. Todos eles estarán empaquetados, polo que non poderás ver a portada nin o título… só atoparás unha pequena pista sobre o seu contido. Unha invitación perfecta para deixarte levar pola curiosidade e descubrir novas historias!

Para facilitar a elección:

• Os libros cunha pegatina en forma de estrela están pensados para os máis pequenos do cole.
• Os libros cunha cariña sorrinte son ideais para lectores máis maiores.

Atréveste a levar un libro sen saber cal é? Pode ser o comezo dunha nova historia favorita!

Agardámoste mañá en Bibliopepiño para celebrar xuntos o pracer da lectura.

retARTE reto 7

Expoñemos un novo reto para esta semana, pero antes resolvemos o adiviñArtista da semana pasada, cantos de vós adivicháchedes de quen se trataba?

Continuamos:

Xa sabedes, investigade e deixade as vosas respostas na caixa de retARTE que temos en BiblioPepiño!!!

AS FAMILIAS CONTAN

Para conmemorar o Día do libro, que será o próximo 23 de abril, queremos convidarvos a participar nunha actividade moi especial para nos: “As familias contan”.

Esta iniciativa abre as portas do centro ás familias para que poidades vir ás aulas dos vosos fillos e fillas a compartir lecturas, contos, historias ou mesmo pequenas narracións creadas por vós. Trátase dun momento único no que a voz das familias se converte en protagonista, creando unha ponte máxica entre a casa e a escola.

Esta actividade é importante para nos xa que:

• Fortalece os vínculos afectivos
• Esperta a imaxinación e a curiosidade
• Transmite o valor da lectura como pracer compartido

Para participar: 
As familias interesadas poderedes vir nun horario acordado co titor/a para ler un conto, unha historia ou calquera texto que vos guste. 

Non fai falta ser expertos: abonda con traer ilusión e ganas de compartir.

Desde BiblioPepiño animámosvos a formar parte desta experiencia tan enriquecedora. As vosas historias tamén constrúen lectores e lectoras.

Agardámosvos con moita ilusión!

retARTE reto 6

 Imos resolver o reto destes últimos 15 días.

De que cadro saíra ese canciño?

Graciñas polas vosas participacións, continuamos cun novo reto semanal:

Volvemos o xoves para resolver o misterio!

OBRADOIRO LIBRO DE ARTISTA

 

Ao longo deste obradoiro, o alumnado terá a oportunidade de manipular, transformar e reinterpretar os libros, expurgados, empregando técnicas diversas como o collage, a intervención plástica, o ensamblaxe ou a escultura en papel. 

Así, a biblioteca escolar convértese nun espazo dinámico de creación, onde a lectura e a arte dialogan, favorecendo aprendizaxes significativas e o desenvolvemento da sensibilidade estética.

Pero... que é un libro de artista?

Neste contexto, o obradoiro de creación de obras de arte a partir de libros expurgados preséntase como unha proposta didáctica innovadora e sostible. Os libros expurgados —aqueles que, por diferentes razóns, deixan de formar parte do fondo activo da biblioteca— adquiren unha segunda vida ao seren reutilizados como materia prima artística.

E aquí os resultados:

retARTE reto 5

 Continuamos cos retos semanais. 

Como onte foi festivo imos facer a resolución e a presentación do reto número 5, hoxe venres.

Animádevos a participar no reto número 5, ahí vai.

ENQUISAS PLEA PARA ALUMNADO

 Para poder elaborar o Plan de lectura, escritura e acceso a información, precisamos que toda a nosa comunidade educativa cubra diversas enquisas. 

Clicade nos enlaces seguintes para acceder a cada enquisa:

https://boxabalar.edu.xunta.gal/index.php/apps/forms/s/iMKQRNYCmoTMPmwiRg353T2c

https://boxabalar.edu.xunta.gal/index.php/apps/forms/s/G9XiPTFoKTfGBr9ttwo3Brit

https://boxabalar.edu.xunta.gal/index.php/apps/forms/s/yPHf72WHxt6QtLDNwzKmzEBT

Graciñas pola vosa colaboración!

retARTE reto 4

 Resolvemos o reto número 3.

E plantexamos un novo reto para esta próxima semana:

Como sempre, lembrade que o reto estará dispoñible aquí no blog e na pantalla da entrada do cole.

Animádevos a participar deixando a vosa resposta no buzón de retARTE na Biblioteca!

NORMAS DE USO DE BIBLIOPEPIÑO EN HORARIOS DE TARDE

 Dende o equipo de biblioteca queremos facer un pequeno recordatorio de cales son as normas básicas de funcionamento da nosa Biblioteca durante as tardes. 

É moi importante que estas regras se cumplan para garantizar o bo uso do noso espazo así como de todos os recursos.

8M

En BiblioPepiño conmemoramos o Día Internacional da Muller cunha pequena exposición de libros relacionados coa igualdade, o feminismo e as historias de mulleres que cambiaron o mundo. 

Un espazo para descubrir lecturas que inspiran, reivindican e dan voz.

Ademais, publicamos un novo capítulo de “Music of the World”, nesta ocasión dedicado ás mulleres cantantes que deixaron pegada na música en diferentes culturas e países.

retARTE reto 3

Resolvemos o reto da semana pasada:

Adiviñáchedes?

Cada vez son mais as participacións na caixa de retARTE, pero aínda non son suficientes. 

Animádevos a participar no reto desta semana:

 

PepiLecturas

 Deixámosvos as próximas reunións de PepiLecturas para este mes de marzo:

Nesta sesión compartiremos a final da historia de Rebecca/ Úrsula. Non a perdades!!!

Porque ademais presentaremos a nosa nova lectura: "Unha nova dimensión"

O grupo de maiores xuntarémonos para seguir a nosa constelación literaria, esta vez da man de Emily Brontë. Un clásico que non podía faltar nas nosas lecturas.

retARTE reto 2

 Xa temos preparado o segundo reto de retARTE pero... antes de descubrilo, temos que ver a solución do reto número 1.

Sabíadelo?

Pois agora imos co segundo reto:

Lembrade

DÍA DE ROSALÍA

 Cada 23 de febreiro celebramos o Día de Rosalía, unha data moi especial para a nosa cultura xa que rememoramos a figura e o legado de Rosalía de Castro, unha das voces máis importantes da nosa literatura e símbolo da identidade de Galicia.

En BiblioPepiño, esta conmemoración convertiuse nunha oportunidade para achegar o alumnado á súa obra e á súa figura desde unha mirada creativa e artística. 

Este ano fixémolo a través do proxecto de centro "Pinceladas na Sangriña", no que interpretamos o seu retrato en segundo diferentes artistas, relacionando a arte coa literatura e coa expresión emocional.

Ademáis o equipo de Dinamización de Lingua Galega grabou con varios alumnos/as do noso centro un poema de Rosalía de Castro en múltiples idiomas: francés, ruso, italiano, inglés...

 QUÉ MARABILLA!

retARTE reto 1

Comezamos os retos:

Aquí vos deixamos o primeiro reto:

Lembrade:

CAIXA DO AMOR

 Xa podedes escoitar todas as mensaxes bonitas que chegaron á: Caixa do amor durante este mes de febreiro.

Dúas voces misteriosas fixeron unha gravación especial para poder publicar esta tarde as vosas notas. 

Premede no botón a ver se algunhas destas mensaxes é para vos.

DÍA DA RADIO

 Hoxe celebramos o Día da Radio, un medio que informa, acompaña, educa e crea comunidade. En Pepiño nas Ondas queremos poñer en valor a maxia das ondas, a forza da palabra e o compromiso de todas as persoas que fan posible que a radio siga viva cada día.

A radio é proximidade, é emoción, é participación. É unha xanela aberta ao mundo e, ao mesmo tempo, un espello da nosa comunidade.

Por iso, a vindeira semana faremos unha pequena homenaxe moi especial: entregaremos un agasallo aos nosos voluntarios e voluntarias de radio, de sexto de primaria, como mostra do noso agradecemento polo seu tempo, a súa ilusión e o seu traballo desinteresado. 

Sen eles e elas, Pepiño nas Ondas non sería posible.

Grazas por poñer voz aos nosos proxectos, por compartir historias e por manter viva a esencia da radio cada día. 

Editamos a entrada para ensinarvos as caras de emoción dos nosos/as colaboradores/as de sexto:

GRAZAS POLO VOSO TRABALLO!

ENTROIDO CON MOITO ARTE

Hoxe vivimos momentos moi especiais vividos arredor do noso PDI: Pinceladas na Sangriña.

Entre as actividades desenvolvidas, a proposta de disfraces inspirados en obras de arte —incluída dentro dos Mandados do Meco— destacou pola súa orixinalidade e pola implicación de todas as familias.

 Cada creación amosa talento, esforzo e unha maneira única de interpretar a arte, transformando corredores e aulas nun verdadeiro museo cheo de vida.

Estas fotos son, sen dúbida, pinceladas da nosa historia recente: pequenas grandes obras de arte que reflicten o traballo, a colaboración e o entusiasmo que fan do noso centro un espazo onde aprender, crear e sentir.

11 DE FEBREIRO DÍA DA MULLER E A NENA NA CIENCIA

 O 11 de febreiro celebramos o Día Internacional da Muller e a Nena na Ciencia, unha data moi especial que nos invita a reflexionar sobre a importancia de promover a igualdade de oportunidades no ámbito científico desde as primeiras idades.

Dende o centro queremos contribuír a espertar vocacións, romper estereotipos e dar visibilidade ao papel fundamental das mulleres na ciencia ao longo da historia e na actualidade.

Para conmemorar este día, as rapazas axudantes de BiblioPepiño converteron a entrada do noso centro nun pequeno laboratorio cheo de curiosidade e ilusión. Durante a hora do recreo realizaron diferentes experimentos, compartindo co resto do alumnado descubrimentos sorprendentes e demostrando que a ciencia pode ser divertida, creativa e apaixonante.

Con iniciativas coma esta, fomentamos o interese pola investigación, o pensamento crítico e a participación activa das nenas e nenos no mundo científico, construíndo entre todas e todos unha escola máis igualitaria e chea de oportunidades.

PepiLecturas

 As nosas Pepilecturas andan a tope!

Temos á vista numerosas xuntanzas para compartir impresións sobre as nosas lecturas.

O grupo de adultos reunirase o martes 24 de febreiro para falar de El misterio de la cripta embrujada.

Nos grupos de alumnado teremos dúas xuntanzas:

Animádevos a participar e compartir momentos de diversión entre letras!