As ondas de BiblioPepiño volven encherse de voces, ilusión e moitas ganas de comunicar!
Hoxe celebramos unha xornada de formación de usuarios de Pepiño nas Ondas, a nosa radio escolar. Durante a sesión, os participantes puideron coñecer o funcionamento da radio, familiarizarse coas ferramentas de gravación e descubrir algúns dos segredos que se agochan detrás dos micrófonos.
Este ano contaremos cunha programación moi variada:
A Sangriña opina: un espazo para compartir opinións, reflexións e dar voz á nosa comunidade educativa.
¿Y si bailamos?: un programa para achegarnos ao apaixonante mundo da danza.
Music of the World: unha viaxe musical para descubrir ritmos, melodías e culturas de diferentes recunchos do planeta.
Crónica deportiva: toda a emoción, as novidades e as curiosidades do mundo do deporte.
Pepilecturas: un recuncho radiofónico no que os libros, as historias e as recomendacións lectoras serán os protagonistas.
E isto non é todo! Ao longo do curso tamén prepararemos programas especiais, que iremos gravando en datas sinaladas e con motivo das diferentes actividades e celebracións do noso centro.
Estamos especialmente emocionados porque este ano contamos con máis de 30 voluntarios e voluntarias dispostos a poñer a súa voz, creatividade, entusiasmo e compromiso ao servizo deste fermoso proxecto.
Grazas a todos e todas por facer posible que Pepiño nas Ondas siga medrando e se converta nun espazo de encontro, aprendizaxe, expresión e participación.
Lembrade seguirnos na nosa canle de iVoox, onde poderedes escoitar todos os programas e acompañarnos nesta nova aventura radiofónica.
.png)
Afinade os oídos, preparade os micrófonos… porque Pepiño nas Ondas xa está en marcha!
Dámoslle voz á Sangriña!
Ningún comentario:
Publicar un comentario