![https://blogger.googleusercontent.com/img/b/R29vZ2xl/AVvXsEhZy2ehZSk9aDx-Qy-1AjQCWxBix0eca4FDB2NCC0UiuUChDaCoxYU1Dw1h3_GMkgUSxXEto5JbT9394H3Sa95xBwHY0az7TUgDg-8hEdFaWFP8KoBge-N9_1FGKCFkQqPeAHUJVyLPcJM/s1600/cartel_def_15_petit1.jpg](https://blogger.googleusercontent.com/img/b/R29vZ2xl/AVvXsEhZy2ehZSk9aDx-Qy-1AjQCWxBix0eca4FDB2NCC0UiuUChDaCoxYU1Dw1h3_GMkgUSxXEto5JbT9394H3Sa95xBwHY0az7TUgDg-8hEdFaWFP8KoBge-N9_1FGKCFkQqPeAHUJVyLPcJM/s400/cartel_def_15_petit1.jpg)
"Biblioteca escolar, base de exploracións" é o lema elixido este curso para o cartel da campaña anual de bibliotecas escolares da Consellería de Cultura, Educación e Ordenación Universitaria.
A imaxe do cartel responde á interpretación que deste lema fixo o ilustrador e autor de cómic Fran Bueno, e ten suficiente carga simbólica e información como para espertar o interese do alumnado.
O lema chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido.
Ningún comentario:
Publicar un comentario