DÍA DE ROSALÍA

 Cada 23 de febreiro celebramos o Día de Rosalía, unha data moi especial para a nosa cultura xa que rememoramos a figura e o legado de Rosalía de Castro, unha das voces máis importantes da nosa literatura e símbolo da identidade de Galicia.

En BiblioPepiño, esta conmemoración convertiuse nunha oportunidade para achegar o alumnado á súa obra e á súa figura desde unha mirada creativa e artística. 

Este ano fixémolo a través do proxecto de centro "Pinceladas na Sangriña", no que interpretamos o seu retrato en segundo diferentes artistas, relacionando a arte coa literatura e coa expresión emocional.

Ademáis o equipo de Dinamización de Lingua Galega grabou con varios alumnos/as do noso centro un poema de Rosalía de Castro en múltiples idiomas: francés, ruso, italiano, inglés...

 QUÉ MARABILLA!

CALDO DE GLORIA

 Para conmemorar o día de Rosalía o equipo de dinamización da lingua galega, en colaboración co alumnado de sexto de primaria, elaborou, para todo o centro un CALDO DE GLORIA.

Coñecimos a súa receita:

Dende primeira hora da mañá o cole arrecendeu a patacas, grelos e feixóns...

Pero o máis emocionante foi ver a cara do noso alumnado probando e repetindo unha, dous e incluso tres veces... xa que o caldo estaba delicioso!!!

TODOS CON ROSALÍA!

O pasado martes, o tempo  deunos un respiro, e aínda  que con un pouco de retraso, os centros escolares xuntámonos na praza do Concello para lembrar a Rosalía de Castro polo seu día, invitados polo Concello

 Alí, lemos un pequeno manifesto, escoitamos a lectura dun poema e cantamos: Adiós ríos, adiós fontes...

Tamén aproveitamos este día para levar para as nosas casas as postais que fixemos alusivas a Rosalía e a súa obra.

CELEBRAMOS O DÍA DE ROSALÍA!

Celebramos o Día de Rosalía!

Este ano, seguindo a iniciativa  da AELG , unímonos a súa proposta e os nosos rapaces e rapazas fixeron unha tarxeta cun debuxo e un poema de Rosalía que levaron para as súas casas. 

Rosalía 2016 - Kizoa Movie Maker

POEMAS DE ROSALÍA MUSICADOS

UNHA POSTAL DE ROSALÍA

 Nunha entrada anterior propuxémosvos deseñar unha postal alusiva a Rosalía.

Xa temos un deseño preparado esperándovos!

Pasádevos a recollelo! Cando teñades  a postal rematada encantaríanos que voltara a biblioteca unhas horas antes de marchar para as vosas casas

RECITANDO A ROSALÍA NA LINGUA QUE EU FALO

Esta semana ímola a dedicar a esa poeta galega mundial: Rosalía de Castro.

Comezamos a semana escoitando estes poemas de Rosalía recitados por vós mesmos!

ACTIVIDADES CON ROSALÍA DE CASTRO

Este ano  a Asociación de Escritores de Lingua Galega (AELG) para expandir o poder das palabras de Rosalía de Castro entre todos, convídanos aos centros escolares, a celebrar o seu día con  actividades colectivas encamiñadas a difusión da súa obra.

A proposta é:

Deseñar  e enviar unha postal alusiva ao Día de Rosalía, cun verso ou unha estrofa e un debuxo alusivo a Rosalía.

Como texto propóñennos a seguinte estrofa de "Alborada" de Cantares gallegos.

Canta, paxariño alegre,

canta!

Canta porque o millo medre,

canta!

Canta porque a luz te escoite,

canta!

Canta que fuxeu a noite.

Unha vez teñamos as postais, o día 24 levaredes as postais para casa como agasallo. 

Agora escoitade "Alborada" nas voces de Lucía Pérez e Rosa Cedrón.

Aquí vos deixamos estos Symbaloo sobre Rosalía de Castro para que poidades desfrutar coñecendo a súa obra.

MOBILIZANDO A ROSALÍA

O vindeiro día 24, é o Día de Rosalía de Castro.

Nesta data celebramos e recordamos especialmente o nacemento da nosa máis ilustre poetisa galega.

Que mellor maneira de comezar as actividades para a celebración que recordándoa  e coñecéndoa!