ROTEIRO LITERARIO

 O pasado sábado 25 de marzo, o club de lectura de adultos saíu de ruta para descubrir a contorna na que se ambientou unha das súas lecturas o libro: A praia dos afogados.

Coa colaboración do concello de Nigrán tiveron a sorte de revivir escenas e coñecer espazos da novela de Domingo Villar, Mincho para os seus amigxs.

VIsitaron: a praia da Madorra, o Porto de Panxón, o Templo votivo do mar, Monte Ferro... Todo esto acompañado dun tempo marabillosamente nubrado e ventoso...

Queremos agradecer ó Concello de Nigrán a súa colaboración, pero especialmente a Rosi, guía turística do concello, que nos acompañou durante dúas horas neste roteiro inesquecible.

GRACIÑAS

XOGOS EN FAMILIA (II edición)

Rematamos a semana cun broche de ouro.

Este sábado 18 celebramos a segunda edición de...

Vémonos a partir das 17:00 na biblioteca da escola.

Que mellor plan que pasar a tarde do sábado en familia.

AGARDÁMOSVOS!

CINE EN BIBLIOPEPIÑO

Ola rapazada!

Este trimestre tamén queremos celebrar a nosa semana de cine. 

Comezaremos mañá e estas serán as películas que proxectaremos.

Como vedes están divididas en franxas de idade.

Todas as películas serán proxectadas na nosa biblioteca ás 15:30, cunha duración aproximada de hora e media.

O mércores día 15 comezaremos cos pequechiñxs da escola. 

Poderedes ver a película de MASCOTAS 2. 

Para facelo teredes que traer a vosa entrada e vir acompañadxs dun adulto.

O xoves será a quenda do alumnado de primeiro, segundo e terceiro de primaria. Igual que os peques, teredes que estar na biblioteca coa vosa entrada ás 15:30.

E remataremos a semana do cine cos maiores da escola.

O alumnado de cuarto, quinto e sexto, poderedes disfrutar dunha marabillosa película de animación: SOUL.

Lembrade traer a vosa entrada.

A entrada levarase a cabo por orde de chegada e ata completar aforo.

Vémonos en BiblioPepiño!

APADRIÑAMENTOS LECTORES

O pasado martes 14 de febreiro celebramos o día da amizade retomando unha das actividades mais bonitas e entrañables que saen da nosa biblioteca os:

Despois de dous cursos con restriccións retomamos a actividade con moita ilusión e as diferentes presentacións entre padriñxs e afilladxs.

Aquí deixamos unha mostra de como foi esta marabillosa xornada de lectura compartidas.

FELICES DE COMPARTIR LECTURAS!

CLUB DE LECTURA CUARTO B

 

Nesta xuntanza do club de lectura do alumnado de 4ºB de primaria sentámonos no noso recuncho de lectura para conversar sobre o décimo e o enésimo capítulo do libro de Ledicia Costas ‘Vampira de biblioteca’.

A continuación, por equipos xogamos co vocabulario do libro ao Pictionary, que se non o sabedes é un xogo no que, por parellas, temos que adiviñar a palabra que debuxa o outro.

Foi moooi divertido!!

LECTURA E FAMILIAS

Este mes de febreiro acaba de publicarse a listaxe definitiva dos centros que pasamos a formar parte do programa de Lectura e familias.

Grazas a este programa poderemos gozar de múltiples actividades, en horario extraescolar, na que o papel das familias será fundamental para favorecer a súa implicación no guste e disfrute da lectura.

Estades preparadxs?

Pepiño xa ten a toda a súa familia preparada, para comezar a disfrutar de múltiples lecturas.

Graciñas Fernando Coello, por facer que vaia medrando a familia Pepiño.

CLUB DE LECTURA TERCEIRO

 

A seguinte xuntanza do club de lectura do alumnado de 3º de primaria celebrouse con moita emoción, xa que logo de acomodarnos no noso recuncho de lectura e de comentar cos demáis os dous seguintes capítulos do libro, fixemos un xogo moi divertido sobre animais… Dividímonos en parellas e un de nós tiña que adivinar o animal que debuxaba o outro e así ata que participamos todas as parellas. Finalmente, intercambiamos os roles e todxs tivemos a oportunidade de debuxar e de adiviñar.

Que ben o pasamos!!