FELICES FESTAS

Toa a familia do equipo de biblioPepiño queremos agradecer toda a vosa colaboración e acompañamento durante este trimestre.

Estamos preparando novas actividades e grandes cambios para o 2024 pero agora aproveitade para descansar e disfrutar de boas lecturas e momentos en familia.

Vémonos en xaneiro!

RECOMENDACIÓNS LÚDICAS PARA ESTE NADAL

 Antes de pechar o trimestre queremos facer unha selecta recomendación de xogos para inspirarvos por si os queredes engadir nas vosas cartas de nadal.

Lembrade que un bo xogo pode facer momentos inesquecibles este nadal!

RECOMENDACIÓNS LECTORAS POR NADAL

En nadal un bo libro leerás!

E para axudarvos facemos unha selección de lecturas para que as engadades ás vosas cartas.

PEPILECTURAS ALUMNADO

 Hoxe tivemos a presentación do Club de Lectura para este curso 2023-2024.

Unha chea de alumnos e alumnas de terceiro a quinto de educación primaria, intercambiarán opinións e charlarán sobre as seguintes lecturas.

NOVEMBRO MES DA CIENCIA NA BIBLIOTECA

O mes da ciencia está cheiño de actividades na nosa biblioteca.

Cos diversos materiais aportados pola biblio, todo o alumnado do cole puido disfrutar de marabillosas experiencias nas súas clases.

Aquí vos deixamos unha mostra.

DIA MUNDIAL CONTRA A VIOLENCIA DE XÉNERO

Dende BiblioPepiño conmemoramos o 25N: Día mundial contra a violencia de xénero, con contos.

Como xa é habitual, no corredor da biblioteca tivemos toda unha selección de contos e libros adicados ás mulleres e á importancia da igualdade entre homes e mulleres.

Por outra banda, temos que agradecer enormemente a colaboración da ANPA que, gracias á subvención de igualdade, nos ofertou dúas sesións de contacontos para o alumnado de educación infantil e primeiro ciclo de educación primaria.

Este contacontos inesquecible correu da man de Migallas teatro. 

CINE EN BIBLIOPEPIÑO

Boa tarde rapazada!

Este curso queremos continuar cunha das nosas actividades estrela:

O CINE EN BIBLIOPEPIÑO

Este ano proxectaremos películas de conto, xa que queremos relacionar as nosas películas con libros marabillosos.

ESTADES PREPARADOS/AS?

Aquí están as películas que poderedes disfrutar a próxima semana.

Lembrade traer a vosa entrada e unha botelliña de auga.

AGARDÁMOSVOS!

CONCURSOS DE SAMAÍN

Estes días de bruxas e meigas as familias estiveron do mais atarefadas elaborando beberaxes e casas enmeigadas, todas elas para participar nun concurso proposto por BiblioPepiño.

Aquí están os gañadores/as recollendo o seu agasallo.

Todos os participantes tiveron un agasallo moi especial! 

A nosa chapa de Pepiño bruxiña!

DÍAS DAS BIBLIOTECAS ESCOLARES

 Hoxe celebramos o días das bibliotecas:

Nos fixémolo con cheo absoluto no noso tempo de recreo!!!

 Da gusto ver a nosa biblioteca tan chea de vida.

Pero ademais disto queremos comentarvos unha novidade, que nos ten moi emocionados!

Este curso, e dende hoxe, xa tedes á vosa disposición...

Tres mochilas diferentes con materiais moi interesantes:

Mochila científica

Mochila de familias

Mochila creativa

As mochilas serán asignadas por orde de solicitude, entregaranse os venres, poderán estar nas vosas casas un máximo de 15 días, tendo que devolverse o xoves como máximos.

Agradecemos que comprobedes que se devolve con todo o material e en bo estado, en caso de rematarse algo agradecemos, igualment,e que no lo comuniquedes.

Para facer a solicitude das mesmas debedes cubrir o seguinte formulario:

AGARDAMOS QUE AS DISFRUTEDES!

SAMAÍN EN BIBLIOPEPIÑO

 Xa estamos en tempo de meigas, conxuros e feitizos... e BiblioPepiño quere facervos diversas propostas para conmemoralo.

Para os pequenos ata cuarto de primaria realizaremos un concurso de Casas encantadas. Podedes facelas no soporte que queirades, si vos decidides por papel, podedes recoller en BiblioPepiño unha plantilla para elaborala ou descargala no enlace que está a continuación.

Para os maiores do cole, tedes unha proposta "culinaria" elaborar unha apócema e o seu conxuro...

Animádesvos a participar???

Podedes facer as vosas achegas ata o venres 27 de outubro.

AXUDANTES DE BIBLIOTECA

 Bo día rapazada!

Comezamos a búsqueda de axudantes para este curso 2023-2024.

Para poder optar a formar parte da nosa selección de axudantes , distinguidos, precisamos que cubrades o voso curriculum. Un xurado revisará con esmero todas as vosas cualidades e procederá a asignarvos o lugar idóneo adaptado ás vosas fortalezas.

Aquí tedes o formato de currículo por si queredes descargalo e cubrilo na casa.

AGARDAMOS AS VOSAS ACHEGAS!

FORMACIÓN CREATIVA PARA MESTRES

 Comeza o curso, BiblioPepiño abre as súas portas e os profes do cole disfrutan dunha tarde de formación do máis entretida.

O obxectivo, coñecer os diferentes recursos que hai na nosa biblioteca para poder usalos con todos vos. 

Porque... que mellor maneira que aprender xogando?

Todos estos recursos pronto estarán nas vosas aulas!

SAÍDA DAS MOCHILAS VIAXEIRAS

O día de apertura da BiblioPepiño realizamos a entrega das mochilas a todas as aulas do noso centro.

Estade moi atentos porque este ano haberá novedades nas mochilas e sorpresas moi especiais!

PEPILECTURAS Adultos

 O club de lectura de familias comeza a súa andadura, 

Se estás interesado/a en participar fai a túa inscripción, abrimos o plazo ata o día 1 de outubro.

Compartiremos lecturas e moitas risas!

BOOKTUBERS

Nas últimas xuntanzas dos Clubs de lectura de 3º, 4ºA e 4ºB divertímonos moito! 

Primeiro acomodámonos no noso recuncho de lectura para comentar cos demáis os últimos capítulos dos libros que estabamos lendo e despois elaboramos un guión para gravar un vídeo de Booktubers, que, para quen non o sepa, son coma os Youtubers, pero recomendando libros!!

Na seguinte sesión cada Club gravou o seu vídeo:

As nenas e nenos de 3º gravamos:

 A noite dos animais de Agustín Fernández Paz.

As nenas e nenos de 4ºB e algúns de A gravamos 

Vampira de biblioteca de Ledicia Costas.

E as nenas e nenos de 4ºA gravamos 

A señorita Bubble de Ledicia Costas

E para poñerlle un broche dourado ao Club de lectura, o día antes de rematar o curso quedamos na biblioteca todos xuntos para comer unhas pizzas mentres viamos o resultado final dos vídeos.

AGARDAMOS QUE VOS GUSTE O NOSO TRABALLO TANTO COMO A NÓS!!

Vémonos en setembro

DESCONECTA E COMPARTE: Ioga en familia

 Rematamos o curso cunha actividade centrada na conexión familiar.

O día 20 de xuño disfrutamos dunha sesión de Ioga en familia da man de Samantha.

Ademais de presentarnos diferentes posturas e maneiras de relaxarnos, tivemos a sorte de que nos mostrou unha morea de libros cos que podemos praticar técnicas de relaxación e ioga na nosa casa.

GRACIÑAS SAMANTHA!

KAHOOT LITERARIO, FINAL DE CURSO

 Os maiores do club de lectura rematamos as nosas xuntanzas cun broche de ouro.

Puxemos en común as nosas impresións sobre a vida deste home que se decidiu a percorrer un pouquiño mais de mundo cos seus 100 anos.

E a maiores e como colofón final xogamos a un Kahoot sobre os distinto libros lidos durante este curso 2022-2023:

Kahoot Club de lectura

Foi una sesión moi divertida e entretida.

Graciñas familias por toda a vosa colaboración e amabilidade!

Vémonos en setembro!

DESCONECTA E COMPARTE: Ioga en familia para a conexión auténtica.

 Rematamos o curso cun obradoiro de conexión en familia.

O obradoiro será impartido por Samanta de Samyama na súa web podedes ver a súa ampla formación e experiencia.

Se estades interesados en participar anotádevos en este formulario:

ENQUISA PARA FAMILIAS

 Estimadas familias.

Como sabedes este venres BiblioPepiño pecha as súas portas, para prepararse para o préstamo de verán, recargar enerxías e poder iniciar un novo curso cheíño de novas aventuras. 

Pero antes de marchar queremos pedirvos un ratiño do voso tempo para facer unha breve valoración sobre as diferentes actividades desenvolvidas durante este ano e así poder mellorar en próximos cursos.

GRAZAS POR ESTAR SEMPRE AHÍ SEN VOS TODO ISTO NON SERÍA POSIBLE!

ENQUISAS PARA MESTRES

 Rematamos o curso e é tempo de reflexionar sobre todo o traballo feito neste curso 2022-2023.

Agradecemos enormemente a vosa colaboración cubrindo esta breve enquisa para poder mellorar e seguir medrando o próximo curso.

A GUARDA É VIDA

E pasiño a pasiño, chegamos ao final... casi final de curso e si, final do noso Proxecto de Centro.

Aquí tedes o resultado do traballo de investigación de todo o curso, de todo o alumnado do centro.

Unha guía audiovisual da nosa vila: A GUARDA.

Agardamos que a disfrutedes e que a compartades con toda a xente que queira coñecer un pouco máis o noso pobo.

NOTA: Para acceder á información debedes premer nos diferentes + que aparecen na imaxe.

AS FAMILIAS CONTAN

 Os meses de abril, maio e xuño, estiveron de momentos en familia, nos que moitos vos quixéchedes compartir con nos as vosas historias.

Sen a vosa colaboración todas estas propostas non sería posibles.

GRACIÑAS

CEREBRO E PANTALLAS

 O pasado venres 12 de maio, tivemos o privilexio de contar cunha formación para familias sobre o impacto das pantallas en edades temperás. 

Esta formación enmarcada no programa de Lectura e familias, serviu para sensibilizar e guiar ás familias con pequenas pautas sobre como actuar ante a sobre exposición das pantallas.

GRACIÑAS MARIA POR COMPARTIR CON NOS A TUA SABIDURÍA!

DÍA DAS MATEMÁTICAS

 Este ano conmemoramos o día das matemáticas cun pequeno obradoiro impartido pola profesora Paula Orta, Profe de matemáticas no IES A Sangriña.

Foi todo un placer poder disfrutar das matemáticas de xeito manipulativo e divertido.

GRACIÑAS PAULA!

CEREBRO E PANTALLAS: María Couso

 A sesión con María Couso resultou do mais agradable. 

María Couso impartíu o pasado día 12 de maio unha sesión de formación para as nosas familias sobre o impacto das pantallas nos nenos/as de forma temperá e carecendo de ningún tipo de control.

Durante dúas horas e media poidemos coñecer cales son as consecuencias fisiolóxicas e atencionais, dun uso abusivo das pantallas en idades temperás.

Aproveitamos para pedirlle que nos agasallara cunha dedicatoria no noso exemplar de "Cerebro infancia y Juego", e fíxoo encantadísima.

Foi para nos todo un privilexio terte en BiblioPepiño e que compartiras con nos todos os teus coñecementos.

GRAZAS MARÍA!

ENTREGA DE PREMIOS: LENDO NA VILA

Onte fixemos a entrega do premio ós gañadores/as do concurso: 

LENDO NA VILA

- Educación infantil: Roque Español

- Primeiro ciclo de Educación Primaria: Martina Martínez

- Segundo ciclo de Educación Primaria: Gael Paredes

- Terceiro ciclo de Educación Primaria: Sabela Álvarez

Parabéns rapazada!

FORMACIÓN PARA FAMILIAS: CEREBRO E PANTALLAS

 

FORMACIÓN PARA FAMILIAS 

ONDE? 

En BiblioPepiño

CANDO?

Próximo venres, 12 de maio.

HORARIO:

De 16:00 a 18:30

Vivimos nun mundo onde a tecnoloxía se introduce na vida das persoas cada vez a idades mais temperás, e as pantallas (incluída a TV) acompaña ás nosas xeracións dende o berce.

Pero, sabemos realmente cales sons as consecuencias cognitivas do uso nos primeiros anos de vida?

Quizais poucos reflexionemos sobre a importancia que a era dixital toma no noso desenvolvemento.

O próximo venres tomaremos conciencia de todas as consecuencias cognitivas do uso das pantallas a unha edade temperá cunha base plenamente neurocientífica e polo tanto obxectiva e fiable.

QUEN É MARÍA COUSO?

María Couso é licenciada en Pedagoxía en 2009 pola Universidade Nacional de Educación a Distancia, Máster en Psicopedagoxía clínica en 2010, Grado en Primaria en 2020 pola Universidade de Camilo José Cela, Posgrado e máster en Neuroeducación pola Universidade de Barcelona.

Leva a cabo a súa labor profesional en varios ámbitos educativos do sector educativo dende fai 17 anos. Dende 2019 ofrece formacións para profesorado e familias de forma aberta por todo o territorio naciona co su proxecto: "Cerebro y juego" promovendo o uso dos xogos de mesa como ferramenta de aprendizaxe (ABJ) e como metodoloxía facilitadora de procesos cognitivos a través da súa web playfunlearning.es e do seu Instagram @playfunlearning.

En xaneiro de 2023 saíu á venta o seu primeiro libro da man da editorial planeta titulado: "Cerebro, infancia y juego"

FORMULACIÓN DE INSCRIPCIÓN

GAÑADORES/AS CONCURSO LENDO NA VILA

 Xa temos os resultados das vosas votacións do concurso Lendo na Vila.

Aquí vos deixamos as fotografías gañadoras.

EDUCACIÓN INFANTIL

PRIMEIRO CICLO - ED. PRIMARIA

SEGUNDO CICLO - ED. PRIMARIA

TERCEIRO CICLO - ED. PRIMARIA

GRACIÑAS A TODXS POLA VOSA PARTICIPACIÓN!

AS FAMILIAS CONTAN

 

Familias, durante o mes de maio abrimos as nosas aulas para que veñades a contar. 

O noso alumnado estará encantado de que veñades á escolar a contar as vosas historias preferidas, un conto, retahilas... o que vos apeteza.

Para facelo poñédevos en contacto co/a titor/a e elxs vos darán as mellores datas para facelo.

Moítisimas grazas pola vosa colaboración!

TROCA AVENTURAS II EDICIÓN

O pasado martes día 25 celebramos a segunda edición da nos feira Troca Aventuras para conmemorar o Día do libro.

Aquí vos deixamos unha pequena mostra de como transcurriu a tarde:

INICIACIÓN Á ARTE DE CONTAR CONTOS

 Este curso tivemos o privilexio de recibir un obradoiro de introdución á arte de contar contos impartido pola marabillosa Bea Campos.

Bea trasladouse á nosa biblioteca para presentarnos unha morea de libros...

Pero o mais importante, para darnos unha serie de pautas de como podemos mellorar as nosas habilidades para contar historias...

Disfrutamos coma pequenos das súas interpretacións e aprendimos como debemos facer, para conseguir aumentar a atención dos nosos pequenos ante unha historias...

Graciñas familias polas vosa presenza e un agarimo moi especial para a nosa querida Bea!

VOTACIÓN LENDO NA VILA

Deixamos a continuación o vídeo con todas as imaxes participantes no sorteo de Lendo na vila, así como a enquisa para que fagades as vosas votacións.

LENDO NA VILA

Aproveitando a conmemoración do día do libro salimos a ler por diferentes espazos da nosa vila.

Aquí temos a recopilación das  fotografías participantes no concurso LENDO NA VILA.

Moi pronto o beredicto.

GRACIÑAS POLA VOSA PARTICIPACIÓN

LENDO NA VILA

Seguindo co noso proxecto de centro: A Guarda é vida, queremos facervos unha proposta.

Que vos parece un concurso para mostrarnos os vosos recunchos preferidos da vila?

Pos aquí vai:

Queremos propoñervos que nos enviedes unha foto a bibliopepinho@gmail.com na que estedes lendo nun recuncho da vila.

No email debe aparecer o voso nome e apelidos, así como o curso no que estades.

Haberá catro premiados:

    * Educación infantil

    * Primeiro ciclo de educación primaria

    * Segundo ciclo de educación primaria

    * Terceiro ciclo de educación primaria

Animádevos a participar!

II edición TROCA AVENTURAS