ROTEIRO LITERARIO

 O pasado sábado 25 de marzo, o club de lectura de adultos saíu de ruta para descubrir a contorna na que se ambientou unha das súas lecturas, o libro: A praia dos afogados.

Coa colaboración do concello de Nigrán tiveron a sorte de revivir escenas e coñecer espazos da novela de Domingo Villar, Mincho para os seus amigxs.

VIsitaron: a praia da Madorra, o Porto de Panxón, o Templo votivo do mar, Monte Ferro... Todo esto acompañado dun tempo marabillosamente nubrado e ventoso...

Queremos agradecer ó Concello de Nigrán a súa colaboración, pero especialmente a Rosi, guía turística do concello, que nos acompañou durante dúas horas neste roteiro inesquecible.

GRACIÑAS

II EDICIÓN XOGOS EN FAMILIA

Deixámosvos un video con algúns dos momentos vividos o pasado sábado na II xornada de xogos en familia, na que tivemos a ocasión de pasar unha tarde de sábado inesquecible.

Repetimos?

XOGOS EN FAMILIA (II edición)

Rematamos a semana cun broche de ouro.

Este sábado 18 celebramos a segunda edición de...

Vémonos a partir das 17:00 na biblioteca da escola.

Que mellor plan que pasar a tarde do sábado en familia.

AGARDÁMOSVOS!

CINE EN BIBLIOPEPIÑO

Ola rapazada!

Este trimestre tamén queremos celebrar a nosa semana de cine. 

Comezaremos mañá e estas serán as películas que proxectaremos.

Como vedes están divididas en franxas de idade.

Todas as películas serán proxectadas na nosa biblioteca ás 15:30, cunha duración aproximada de hora e media.

O mércores día 15 comezaremos cos pequechiñxs da escola. 

Poderedes ver a película de MASCOTAS 2. 

Para facelo teredes que traer a vosa entrada e vir acompañadxs dun adulto.

O xoves será a quenda do alumnado de primeiro, segundo e terceiro de primaria. Igual que os peques, teredes que estar na biblioteca coa vosa entrada ás 15:30.

E remataremos a semana do cine cos maiores da escola.

O alumnado de cuarto, quinto e sexto, poderedes disfrutar dunha marabillosa película de animación: SOUL.

Lembrade traer a vosa entrada.

A entrada levarase a cabo por orde de chegada e ata completar aforo.

Vémonos en BiblioPepiño!

Experimentos con xeo seco

Rematamos o mes de febreiro, mes da nena e a muller na ciencia unha chea de experimentos de xeo seco. 

Esta vez da man de Rosa Lomba, científica e investigadora da universidade de Vigo.

Pero que non sabedes que é o xeo seco?

É dióxido de carbono en estado sólido.

Fixemos un monte de experimentos moi divertidos!

Gustounos moito hinchar un globo e facer pompas de xabrón sen soprar, só usando o xeo seco.

Tamén conxelamos unhas flores en menos dun minuto e logo para comprobalo rompémolas cun martelo pequeniño. E, por último, gustounos moito tamén poder facer unha nube con xeo seco e auga e unha escuma engadíndolle xabrón a esta mestura.

Pasamolo moi ben a aprendemos moito con esta experiencia!