DÍA DOS MUSEOS

Esta semana está sendo moi especial no cole. 

Estamos cheos de actividades pero queremos destacar o DÍA DOS MUSEOS. Queremos incidir nesta conmemoración porque, como sabedes, levamos todo o ano traballando arreo, aprendendo moitas cousas de diferentes artistas e hoxe todo o esforzo culminou con pequenas presentacións do alumnado de todas as aulas expoñendo o seu traballo de investigación aos diferentes cursos.

Durante toda a mañá en diferentes quendas, o alumnado distribuiuse polas aulas para falar sobre o seu artista.

Finalmente agasallaron a cada aula cun tríptico, para poder recordar de novo todo o comentado.

Ao rematar a xornada o alumnado axudante de biblio repartiu entre as familias trípticos informativos sobre: Paul Klee, Kandinsky, Dalí, Yayoi Kusama....

Temos un cole con moita arte!