FORMACIÓN PARA O VOLUNTARIADO DE BIBLIOTECA

 BiblioPepiño está a piques de abrir as súas portas e os nosos axudantes comezan a recibir a súa formación.

É fundamental coñecer a organización da biblioteca, así como a colocación de todos os seus fondos para poder localizar libros con maior rapidez.

No seguinte triptico atopades información fundamental sobre as vosas funcións.

COMEZA A CONTA ATRÁS!

OBRADOIRO DE POSTAIS ELECTRÓNICAS

 A semana pasada tivo lugar, en dúas quendas, un obradoiro de Postais Electrónicas para o alumnado de 5º e 6º de primaria, impartido pola mestra Angie.

O resultado foi abraiante, o noso Pepiño Creativo iluminou a súa bombilla a través dun circuíto eléctrico.

Apúntaste ao seguinte?

RADIO NA BIBLIO

 Un ano mais renovamos a nosa participación no programa : "Radio na biblio" polo que Pepiño nas ondas continuará emitindo a través da plataforma Ivoox.

Pepiño nas Ondas

Lembrade que no Blog tedes un acceso directo na columna da dereita, para que non vos perdades ningunha das nosas emisións!

TRES, DOUS, UN... NO AIRE!

PREMIOS MONSTERCHEF

A primeira edición do concurso MonsterChef tivo unha gran participación, numerosos chefs de toda a comarca fixeron as súas aportacións.

Aquí tedes unha mostra dos diferentes pratos:

 

O xurado de Monsterchef degustou con moito esmero as diferentes mostras terroríficas, chegando ao seguinte fallo:

RECEITAS MAIS TERRORÍFICAS

MAIOR DIFICULTADE

MAIS SABOROSA

Esta mañá fixemos a entrega de premios.

En Ivoos podedes escoitar o Podcast das receitas que se gravaron en Pepiño nas ondas.

GRACIÑAS POLA VOSA COLABORACIÓN!

PEPILECTURAS ALUMNADO

 BiblioPepiño quence motores e comezamos a organizar diversas actividades, esta vez é a quenda dos grupos de PepiLecturas.

Para anotarvos tedes que cubrir o contrato de compromiso e entregarlo aos voso titores.

Contrato Club de Lectura

Estes grupos estarán formados por alumnado de cuarto a sexto de educación primaria, os horarios serán concretados posteriormente co coordinador.

ANIMÁDEVOS A PARTICIPAR!

MONSTERCHEF

 Chega Samaín e con el un novo concurso do mais saboroso.

I CERTAME MONSTERCHEF EN BIBLIOPEPIÑO

Aquí vos deixamos as bases do concurso. 

ANIMÁDEVOS A PARTICIPAR!

NOTA: Xunto ao prato para a súa valoración debe entregarse a receita con todos os ingredientes e pasos a seguir para a súa elaboración.

MUDAMOS DE SISTEMA

 Bo día familias.

Este curso BiblioPepiño está mudando o sistema de xestión, que quere dicir?

Que todos os fondos da nosa biblioteca teñen que ser recatalogados no novo sistema, mudando de Meiga a Koha.

Estamos aproveitando para facer un gran expurgo e para recolocar espazos, polo que a apertura da biblioteca demorarase un tempo.

Estade atentos ao noso blog e redes sociais para coñecer os nosos avances.

GRACIÑAS POLA VOSA PACIENCIA